BREAKING NEWS

නවතම පුවත්

ව්‍යාපාරික පුවත්

ක්‍රිඩා පුවත්

දේශීය පුවත්

ගොසිප්

Jun 2, 2016

Sri Lanka to Begin Import Quadricycles Alternative for Three Wheels

ත්‍රීවීල් වෙනුවට ලංකාවට ගෙන්නන්න යන අලූත්ම වාහනේ බජාජ් කියුට්

පෙරේදා පැවති මාධ්‍ය හමුවකදී මුදල් ඇමති රවි කරුණානායක දන්වා සිටියේ ත්‍රීරෝද රථ මිල ඉහළ දැම්මේ සංගම්වල ඉල්ලීමක් මත බවත් ලංකාවේ අවශ්‍ය ප්‍රමාණයට වඩා ත්‍රීරෝද රථ ඇති බව ඔවුන් දන්වා සිටි බවත්ය.ඒ සමගම ඔහු කියා ඇත්තේ මේ ත්‍රීරෝද රථ සමග තරග කරන්නට ඊටත් වඩා අඩු මුදලකට රෝද හතරේ වාහනයක් දැන් ලංකාවට ගෙන්වා ඇති
බවයි. කෙසේ නමුත් ඒ නම හෙළි කළේ නැත.
ඉන්දියාවට යාබද නේපාලයේද ත්‍රීරෝද රථ සහමුලින් ඉවත් කර ඒ වෙනුවට ටැක්සි ලෙස මරුටි කාර් හඳුන්වා තිබේ.
ඉදිරියේදී ලංකාවේද ත්‍රීරෝද රථ අභාවයට යනු ඇති බවත් ඒ වෙනුවට අලූත් රෝද හතරේ කුඩා වාහනයක් හඳුන්වාදෙනු ඇති බවත් වාර්තා වේ. අපට ලැබුණ ආරංචි අනුව මෙම වාහන වර්ගය කාර් යනුවෙන් හඳුන්වන්නේ නැත. එය ක්වොඩ්රිසයිකල් යනුවෙන් හඳුන්වනු ලැබේ. මෙම වාහන වර්ගය පැරණි රික්ෂෝවට එන්ජිමක් සවිකර මොඩිෆයි කරන ලද්දක් වන අතර එය දිගු කලෙක පටන් භාවිතයේ පවතින්නකි.
ටාටා සමාගමේ නැනෝ ජනප්‍රියවන කාලයේ ඉන්දියාවේ බජාජ් සමාගම


 එයට තරගයක් ලබාදෙන්නට බජාජ් කියුට් නමැති රෝද හතරේ වාහනය 2013 හඳුන්වා දුන් පසු එය ක්වොඩ්රිසයිකල් වර්ගයක් ලෙස නම් කෙරිණි.
මෙහි නිෂ්පාදිත මිල අමෙරිකානු ඩොලර් 2500ක් (රුපියල් ලක්ෂ තුනහමාරක්) පමණ වන බව වාර්තා වනවා. (විකුණන මිල බදු සමග වැඩිවේ)

මෙම රථ කිහිපයක් ශ්‍රී ලංකාවට මේ වනවිට ගෙන්වා ඇති බවත් ඒවා තත්ව පරීක්ෂාවෙන් පසු ඉදිරි දිනවලදී හඳුන්වාදෙනු ඇති බවත් වාර්තා වුණා.
පැයට උපරිම කිලෝමීටර් 90 වේගයෙන් යාහැකි බව කියන බජාජ් කියුට් වාහනයට ඇත්තේ 200 සීසී එන්ජිමකි. පෙට්‍රල් ලීටරයකින් කිලෝ මීටර් 30ක් ධාවනය කරන්නට හැකිය. බර කිලෝග්‍රෑම් 400 කි. ත්‍රීරෝද රියක තරම් සෙනග පටවා යාහැකි නොවන අතර පිටුපස හා ඉදිරිපස රියදුරුට අමතරව අසුන් වෙන් කර ඇත්තේ තිදෙනෙකුටය.හිරවී හතරකට යාහැකිය.
පහත පළවන්නේ එම වාහනයේ හඳුන්වාදීමේ වීඩියෝවකි.


Rithika Kodithuwakku Speaks About Handagama's Film

හඳගමගෙ ෆිල්ම් එකේ මං අඩනිරුවතින් ර`ගපෑවෙ කැමැත්තෙන්- රිතිකා කොඩිතුවක්කු

අශෝක හඳගම ගේ නවතම zඇගේ ඇස අගZ සිනමා නිර්මාණයේ අඩනිරුවත් ජවනිකාවන්ද ර`ගපාමින් මුලින්ම සිනමාවට එන නිරූපිකාවක වන රිතිකා කොඩිතුවක්කු පසුගියදා පුවත්පත් සම්මුඛ සාකච්ඡාවකදී කියා සිටියේ තමන් ඒ කළ ර`ගපෑම ඉතාම කැමැත්තෙන් සිදු කළ බවයි. පිටපතේ සියල්ල හොඳ හැටි දැනගෙන එයට සූදානම් වූ බවත් මෙවැනි අඩ නිරුවත් රංගනයක් ගැන නිවසේ අය විරුද්ධ
වූයේ නැති බවත් ඇය කියනවා.
ඇය පළකළ අදහස් පහත පරිදිය.

ඇගේ ඇස අග සිනමා නිර්මාණයට දායක වෙන්න ලැබුණේ කොහොමද? ප්‍රතිචාර කොහොමද?

මේ චිත්‍රපටයේ නිෂ්පාදක අංශයේ කටයුතු කරපු මංජු පෙරේරා සහ සහාය අධ්‍යක්ෂ ලෙස කටයුතු කරපු අමල් අල්විස්ගේ ආරාධනාවකට අනුව තමයි සම්බන්ධවෙන්න ලැබුණේ.
අශෝක හඳගම වැනි ප්‍රවීණ අධ්‍යක්ෂවරයෙක් යටතේ වැඩකරන්න ලැබීම ලොකු භාග්‍යයක්. ඒ වගේම ලොකු අභියෝගයක්. ඒ අභියෝගය භාරගන්න මම කැමැති වුණා. ගොඩක් දෙනෙක්

 මේ නිර්මාණයට කැමැතියි කියලා මට හිතෙනවා.
ඇගේ ඇස අග නිර්මාණයේ පිටපත කියවලාද එය භාරගත්තේ ?
ඔව්.
මේ චිත්‍රපටයේ තිඛෙන සියලූම දර්ශන පිටපතේ සඳහන් වෙලා තිබුණාද?
ඔව්.
අඩනිරුවත් දර්ශන තිඛෙන පිටපතක් භාරගැනීමේ අභියෝගයක් කියලා හිතුණේ නැතිද?
මම ස්වාධීන තරු‚යක්. රූගත කිරීම් හොඳට සැලසුම් කරලා තිබුණා. කිසිම අවස්ථාවක මට අපහසුවක් දැනුණේ නැහැ. අධ්‍යක්ෂවරයාගේ සිට සියලූම කාර්ය මණ්ඩලය මේ චරිතය ගොඩනඟන්න මට ලොකු සහයෝගයක් ලබාදුන්නා.

මේ නිර්මාණයට දායක වෙන්න ගෙදරින් අවසර ලැබුණාද?
මගේ පවුලේ අය මාව හොඳින් තේරුම් අරගෙනයි ඉන්නේ. අනික මම ස්වාධීන පුද්ගලයෙක්. මගේ ජීවිතයේ තීරණය ගැනීමේ අයිතිය මට තියෙනවා.

මෙවැනි චරිතයකට සම්බන්ධවූ පසු සමාජය ඔබ දිහා වපර ඇසින් බලන්න පුළුවන් නේද?
මේක සිනමා කෘතියක්. ඒ ඉන්නේ මම නෙමෙයි. ඒක වෙන චරිතයක්. මිනිස්සු බුද්ධිමත් වෙන්න ඕනෑ සිනමා කෘතියක තිඛෙන චරිතයක් මොනවගේද කියලා තේරුම් ගන්න. අනික සිනමාකෘති එක රාමුවකට කොටුවෙන්න ඕනෑ නැහැනේ.

රිතිකා කියන්නේ මොනවගේ චරිතයක්ද?
අනෙක් අය වගේම මමත් සාමාන්‍ය ගැහැ‚යක්.

සිනමාව ගැන හදාරලා තියෙනවාද?
සිනමාව ගැන කිසිම හැදෑරීමක් නැහැ. මම මේ චිත්‍රපටයට සම්බන්ධ වෙන්නෙත් අහම්ඛෙන්.

රිතිකා ඔබත් වෘත්තීය නිළියක් විදිහට වැඩකරන්නද සූදානම ?
මම නිළියක් නෙමෙයි. දිගටම ක්ෂේත්‍රයේ රැෙඳනවාද කියලා තවම තීරණය කරලා නැහැ. නමුත් හොඳ සිනමා නිර්මාණයකට ආරාධනාවක් ලැබුණොත් එහි පිටපත හොඳනම් ඒ වගේම මම ඊට කැමැති නම් ඒක භාරගන්නවා.

සාකච්ඡාව - දිනේෂ් විතාන
(මීවිත)

May 30, 2016

කාර් මිල වැඩිකරේ අනවශ්‍ය පුද්ගලයිනුත් වාහන පදින නිසා ත්‍රීවීල් මිල වැඩි කරේ ත්‍රීවීල් රටේ වැඩි නිසා - ඇමති ජෝන් අමරතුංග

පෙර නොවූ විරූ පරිදි බදුවලට යටත්වීම නිසා ලංකාවේ වාහන මිල මේ දිනවල අධික ඉහළයාමකට ලක්ව ඇත. මේ ගැන විවිධ විවේචනද එල්ලවී ඇති පසුබිමක ඇමති ජෝන් අමරතුංග අද අමුතු හේතුවක් මේ ගැන ලබාදී තිබේ.
අද ඔහු ගලේවල වහකෝට්ටේ ප්‍රදේශයේ පල්ලියක සාකච්ඡාවකට එක්ව සිටි අවස්ථාවක මාධ්‍යවේදීන් සමග සුහද කථාවක නිරතවී සිටියදී කියා ඇත්තේ රජය මෝටර් රථ මිල වැඩි කළේ
සුදුස්සන් හා නුසුදුස්සන් මෝටර් රථ පාවිච්චි කරන නිසා බවකි. දුප්පතුන්ගේ වාහනය වන ත්‍රීරෝද රථ මිල එසේනම් ඉහළ දැමුවේ කුමක් නිසාදැයි මාධ්‍යවේදීන් විමසූ විට ඔහු කියා ඇත්තේ ත්‍රිරෝද රථ මිල වැඩි කළේ එම රථ වැඩි නිසා බවත් ත්‍රිරෝද රථ සංගම්වලින් ගාණ වැඩිකරන්නැයි රහස් ඉල්ලීමක් තිබුණ බවත්ය.
ඒ අනුව රජය බදු මිල ඉහළ නංවා හිතාමතාම ජනතාවට වාහන ගන්නට බැරි තැනට වැඩ සලස්වා ඇති බවද ඔහුගේ කථාවෙන් අනාවරණයවී තිබේ.

May 24, 2016

වාරියපොල අක්කා අංක 02 තරුණිය ත‍්‍රීරෝද රියදුරුට නැවු ගුටි දෙයි

ත‍්‍රිරෝද රථ රියදුරෙකුට තරුණියක් විසින් මහ මඟදී දරුණු ලෙස පහර දෙන ආකාරය දැක්වෙන වීඩියෝවක් එම අවස්ථාවේ එහි සිටි අයෙකු විසින් අන්තර්ජාලයට එක් කර තිබේ















‘Channel-4’ චිත‍්‍රපටය සත්‍යයි.. ශ‍්‍රි ලංකා හමුදාව යුධ අපරාධ කලා.. – විදේශ ඇමති පිලිගනී..

අවසන් යුධ සමයේ උතුරේ යුධඅපරාධ සිදු වූයේ යයි බි‍්‍රතාන්‍ය ‘චැනල් 4’ නාලිකාව විසින් නිෂ්පාදනය කරන ලද ‘නෝ ෆයර් සෝන්’ චිත්‍රපටය සත්‍ය බවට විදේශ ඇමති මංගල සමරවීර මහතා විසින් පිලිගෙන ඇති බවට මාධ්‍ය වාර්තා පල වෙයි.
මේ පිලිගැලීම ගැන සතුට පල කරන අදාල චිත්‍රපටයේ අධ්‍යක්‍ෂ කැලම් මැක්‌රේ පවසන්නේ එම චිත්‍රපටය රජයේ රූපවාහිනී නාලිකාවක් ඔස්සේ විකාශය කරන්නැයි තමන්ඉල්ලා සිටින බවයි.
මේ සම්බන්ධයෙන් පලවන වාර්තා මෙතනින් 01 02

කුසල් ජනිත් එංගලන්ත තරග වලට එක්වේ

තහනම් උත්තේජක භාවිත කළ බවට චෝදනාවකට ලක්ව තාවකාලික තරග තහනමකට ලක්ව සිටි කුසල් ජනිත් පෙරේරා මේ දිනවල පැවැත්වෙන එංගලන්ත තරගාවලිය සඳහා ශ්‍රී ලංකා කණ්ඩායමට එක්කිරීමට තේරීම් කමිටුව තීරණය කර තිඛෙනවා.

එහි සභාපති සනත් ජයසූරිය මහතා පැවසුවේ ආබාධයකට ලක්ව සිටින ධම්මික ප්‍රසාද් වෙනුවට කුසල් ජනිත් පෙරේරා ශ්‍රී ලංකා කණ්ඩායමට එක්වන බවයි.

ශ්‍රී ලංකා - එංගලන්ත ටෙස්ට් ක‍්‍රිකට් තරගාවලියේ දෙවන තරගය ලබන 27 වෙනිදා ආරම්භ වනවා.
 
Copyright © 2013 Sri Lanka Gossip |Gossip Lanka News | Hot Gossips | Sri Lankan Exclusive News | Gossip Lanka | Hiru
Shared by Themes24x7Powered byBlogger