BREAKING NEWS

නවතම පුවත්

ව්‍යාපාරික පුවත්

ක්‍රිඩා පුවත්

දේශීය පුවත්

ගොසිප්

May 24, 2016

වාරියපොල අක්කා අංක 02 තරුණිය ත‍්‍රීරෝද රියදුරුට නැවු ගුටි දෙයි

ත‍්‍රිරෝද රථ රියදුරෙකුට තරුණියක් විසින් මහ මඟදී දරුණු ලෙස පහර දෙන ආකාරය දැක්වෙන වීඩියෝවක් එම අවස්ථාවේ එහි සිටි අයෙකු විසින් අන්තර්ජාලයට එක් කර තිබේ















‘Channel-4’ චිත‍්‍රපටය සත්‍යයි.. ශ‍්‍රි ලංකා හමුදාව යුධ අපරාධ කලා.. – විදේශ ඇමති පිලිගනී..

අවසන් යුධ සමයේ උතුරේ යුධඅපරාධ සිදු වූයේ යයි බි‍්‍රතාන්‍ය ‘චැනල් 4’ නාලිකාව විසින් නිෂ්පාදනය කරන ලද ‘නෝ ෆයර් සෝන්’ චිත්‍රපටය සත්‍ය බවට විදේශ ඇමති මංගල සමරවීර මහතා විසින් පිලිගෙන ඇති බවට මාධ්‍ය වාර්තා පල වෙයි.
මේ පිලිගැලීම ගැන සතුට පල කරන අදාල චිත්‍රපටයේ අධ්‍යක්‍ෂ කැලම් මැක්‌රේ පවසන්නේ එම චිත්‍රපටය රජයේ රූපවාහිනී නාලිකාවක් ඔස්සේ විකාශය කරන්නැයි තමන්ඉල්ලා සිටින බවයි.
මේ සම්බන්ධයෙන් පලවන වාර්තා මෙතනින් 01 02

කුසල් ජනිත් එංගලන්ත තරග වලට එක්වේ

තහනම් උත්තේජක භාවිත කළ බවට චෝදනාවකට ලක්ව තාවකාලික තරග තහනමකට ලක්ව සිටි කුසල් ජනිත් පෙරේරා මේ දිනවල පැවැත්වෙන එංගලන්ත තරගාවලිය සඳහා ශ්‍රී ලංකා කණ්ඩායමට එක්කිරීමට තේරීම් කමිටුව තීරණය කර තිඛෙනවා.

එහි සභාපති සනත් ජයසූරිය මහතා පැවසුවේ ආබාධයකට ලක්ව සිටින ධම්මික ප්‍රසාද් වෙනුවට කුසල් ජනිත් පෙරේරා ශ්‍රී ලංකා කණ්ඩායමට එක්වන බවයි.

ශ්‍රී ලංකා - එංගලන්ත ටෙස්ට් ක‍්‍රිකට් තරගාවලියේ දෙවන තරගය ලබන 27 වෙනිදා ආරම්භ වනවා.

ඝාතන රාත්‍රියේ පාක් රෝඩ් එකේ සැරිසැරූ අනුර තාජුඩීන්ගේ පියාට සොරී - මේක රිය අනතුරක් කියලා

ඊයේ රිමාන්ඩ් කළ පසු  මට අසනීපයි කියලා

රගර් ක්‍රීඩක වසීම් තාජුඩීන්ගේ මරණයට අදාළව කුමන්ත්‍රණය සහ සාක්ෂි වසන් කිරීමේ චෝදනාව මත හිටපු ජ්‍යෙෂ්ඨ නියෝජ්‍ය පොලිස්පති අනුර සේනානායක මේ වනවිට රක්ෂිත බන්ධනාගාර ගත කර සිටී.
ඊයේ ඔහු අත්අඩංගුවට ගෙන මහේස්ත්‍රාත් අධිකරණයට ඉදිරිපත් කරන ලද අවස්ථාවේ මෙම ඝාතනය සම්බන්ධ තවත් තොරතුරු කිහිපයක් අනාවරණය විය.
2012 මැයි 17 වනදා රාත්‍රියේ තාජුඩීන් ඝාතනය වූ පාක් රෝඩ් එකේ රාත්‍රී 12.17 ට පමණ අනුර සේනානායක මහතා
කාර් එකක් ඇතුළටවී සිටි බවත් ඝාතනය සිදුවූ අවස්ථාවේ ඔහු එතැන කුමක් කරමින් සිටියේද යන්න සැක උපදින බවත් එම ස්ථානයේ සිටි සාක්ෂිකරුවකුගේ සාක්ෂි අනුව ඊයේ අධිකරණයට කරුණු ඉදිරිපත් විය. සැකකරු සිවිල් ඇඳුමින් සැරසී කාර් රථයක සිටීමෙන් අනතුරුව නාරාහේන්පිට පොලිසියේ පැවති සාකච්ඡාවකට එක්වී ඇත.අනතුරුව සරත්චන්ද්‍ර හා සුමිත් චම්පික පෙරේරා යන ස්ථානාධිපතිවරුන්ට වැඩිදුර විමර්ශන නොකරන ලෙසට උපදෙස් ලබා දී


 ඇත.ඝාතනයට පසුවදා තාජුඩීන්ගේ පියා ඇමතූ අනුර සේනානායක පවසා ඇත්තේ zසොරි..මෙක රිය අනතුරක් ඒ නිසා මේ ගැන වැඩිදුර සොයා බලන්න අවශ්‍යතාවයක් නැති බවයි.
අනුර සේනානායක වෙනුවෙන් ඊයේ අධිකරණයේ පෙනී සිටි ජ්‍යෙෂ්ඨ නීතිඥ අනිල් සිල්වා කියා සිටියේ පොලිස් ස්ථානාධිපතිවරුන්ට මෙය අනතුරක් ලෙස නම් කරන්නැයි නියෝග කළ පමණින් ඔහු වරදක් කර නැති බවයි.

ස්ථානාධිපතිවරුන් සතුව ඇත්ත නැත්ත තහවුරු කිරීමේ බලය පවතින නිසා ඒ සටහන් කිරීමේ දෝෂය ඔවුන් සතු විය යුතු බවයි.
සාක්ෂි සත්‍ය වුවත් චෝදනා එල්ල කළ නොහැකි බවත් කරුණු වසන් කිරීම සඳහා රථවාහන ස්ථානාධිපතිට හා අපරාධ අංශයේ ස්ථානාධිපතිවරයාට අනුබල දෙන තැනැත්තා නීතියෙන් වරදකරුවකු කිරීමට නීතියෙන් හැකියාවක් නොමැති බවත් නීතිඥවරයා තර්ක කළේය.

ඒ අතරම නීතීඥවරයා කියා සිටියේ පසුගිය සතියේ දෙදිනක දී අපරාධ පරීක්ෂණ දෙපාර්තමේන්තුව වෙත පෙනී සිටිමින් අනුර සේනානායක ප්‍රකාශ ලබා දුන් බවත් මේ නිසා රක්ෂිත බන්ධනාගාර ගත කිරීම අනවශ්‍ය බවත්ය. ඒ අනුව ඇප ලබා දෙන ලෙස නීතිඥවරයා අධිකරණයෙන් ඉල්ලා සිටි


 අතර රහස් පොලිසිය කියා සිටියේ මේ අවස්ථාවේ මොහු රඳවා නොගතහොත් මහජන කැළඹීමක් ඇතිවිය හැකි බවයි.
ඒ අනුව අනුර සේනානායක හිටපු නිොය්ජ්‍ය පොලිස්පතිවරයා ලබන මැයි මස 26 වැනිදා තෙක් රක්ෂිත බන්ධනාගාරගත කරන ලෙස කොළඹ අතිරේක මහෙස්ත්‍රාත් නිශාන්ත පීරිස් මහතා ඊයේ (23) නියෝග කළා.

කෙසේ වෙතත් එල්ටීටීඊ තර්ජන ඇති සැකකරුවෙකු නිසා විශේෂ ආරක්ෂාවක් මොහුට අවශ්‍ය බව නීතීඥයා පසුව ඉල්ලා සිටියා.
රාත්‍රී 7ට පමණ රිමාන්ඩ් බන්ධනාගාරයට රැගෙන ගිය අනුර සේනානායක එහි විශේෂ සිර මැදිරියක රඳවනු ලැබූ අතර තමා අසනීප තත්වයෙන් පසුවන බවද රෝහල් ගතවන්නට උවමනා බවද දන්වා ඇත. ඒ අනුව බන්ධනාගාර වෛද්‍යවරයා වෙත ඔහු යොමු කර නිර්දේශ ගන්නටද නියමිතය.

ඔබට තවත් රටක පුරවැසිභාවය අවශ්‍යය ද? පුරවැසිභාවය මුදලට ලබා ගත හැකි හොඳම රටවල් 10 මෙන්න

යම් රටක පුරවැසියෙකුට තවත් රටක පුරවැසිභාවය ලබා ගැනීමේ දී දීර්ඝ කාලීන ක්‍රියාපටිපාටියකට මුහුණ දීමට සිදුවනු ඇත. එහෙත් Premier Offshore වෙබ් අඩවිය පෙන්වා දෙන පරිදි 2016 වසරේ දී මුදල් ආයෝජනය තුළින් පමණක් පුරවැසිභාවය ලබා ගත හැකි රටවල් 10 ක් අනාවරණ කර තිබේ.
එසේම යම් පුද්ගලයෙකුට දෙවන පුරවැසිභාවයක් ලබා ගැනීම තුළින් ලැබිය හැකි ප්‍රතිලාභ ගණනාවකි. නිදසුනක් ලෙසින් ශ්‍රී ලාංකික පුරවැසියෙකු හට බල්ගේරියාව තුළ මුදල් ආයෝජනය කිරීමෙන් බල්ගේරියානු පුරවැසිභාවය ලැබීමේ අවස්ථාව හිමිවනු ඇත.
ලොව ගමන්බලපත්‍ර ශ්‍රේණිගත කිරීමෙහි 18 වන තැන බල්ගේරියානු ගමන් බලපත්‍රයට හිමිය. එමගින් රටවල් 149 ක් වෙත වීසා නොමැතිව ගමන් කිරීමේ වරප්‍රසාදය හිමිවනු ඇත. එසේම බල්ගේරියානු ගමන් බලපත්‍රයට එක්සත් ජනපදයෙහි මාස 6 ක් තුළ දින 90 ක් වීසා නොමැතිව ගතකිරීමටත්, යුරෝපීය සංගමය තුළ ඕනෑම රටක ජීවත් වීමට හා රැකියාවක් කිරීමටත් අවස්ථාව උදා වේ.
පහත දැක්වෙන්නේ මුදල් වියදම් කිරීම තුළින් පමණක් පුරවැසිභාවය ලබා ගත හැකි හොඳම රටවල් 10 යි.
1. බල්ගේරියාව
බල්ගේරියානු ගමන් බලපත්‍රයක් ලෙහෙසියෙන්ම ලබා ගත හැකි ක්‍රම දෙකකි. මෙහි පළමු වැන්න නම් බල්ගේරියානු රජයේ බැඳුම්කරවල යූරෝ 512,000 ක් ආයෝජනය කිරීමයි. වරක් එසේ කළ පසු බල්ගේරියාව තුළ වාසය කිරීමේ (residency) අවස්ථාව හිමිවන අතර හරියටම ඊට වසරකට පසු තවත් යූරෝ ලක්ෂ 512,000 ක් බැඳුම්කරවල ආයෝජනය කිරීමෙන් බල්ගේරියාවේ පුරවැසිභාවය ලබාගත හැකිය. මෙහි ඇති විශේෂත්වය නම් වසර 5 ක් පුරාවට බල්ගේරියානු රජයේ බැඳුම්කරවලට පොළියක් හිමි නොවීමයි.
මීට අමතරව ඩොලර් මිලියන 1.2 ක ව්‍යාපාරික ආයෝජනයක් කිරීම හරහා ද බල්ගේරියාවේ පුරවැසිභාවය ලැබිය හැකිවේ.
බල්ගේරියානු ගමන් බලපත්‍රයකට හිමිකම් කීමෙන් ලැබිය හැකි ප්‍රතිලාභවලින් කිහිපයක් ඉහත දක්වා තිබේ.
2. ශාන්ත ලුසියා
ඩොලර් ලක්ෂ 2 සිට දෙලක්ෂ පනස්දහසක් දක්වා මුදලක් වැයකිරීමෙන් ශාන්ත ලුසියා ගමන් බලපත්‍රයක් ලබා ගත හැකිය. මීට අමතරව ඩොලර් පන්ලක්ෂයක් එහි රජයේ සුරැකුම්පත්වල වසර 5 ක කාලයක් දක්වා ආයෝජනය මඟින් ද ශාන්ත ලුසියා ගමන් බලපත්‍රයක හිමිකරුවෙකු විය හැකිවේ.
ශාන්ත ලුසියා ගමන් බලපත්‍රයක් මඟින් රටවල් 121 කට වීසා නොමැතිව පියාසර කළ හැකිවේ. වීසා නොමැතිව ස්විස්ටර්ලන්තයට ද, දින 180 ක කාලයක් යුරෝපීය සංගමයේ ෂෙනගන් කලාපය තුළ ද සැරිසරීමේ අවස්ථාව මෙම ගමන් බලපත්‍රයට හිමිය.
3. මෝල්ටා
මෝල්ටා ගමන් බලපත්‍ර හිමියෙකුට යුරෝපානු සංගමයේ ඕනෑම රටක වාසය කිරීමේ හා රැකියාවක නිරත වීමේ අවස්ථාව හිමිවන අතර වීසා නොමැතිව ඇමරිකා එක්සත් ජනපදයට ද ගමන් කළ හැකිවේ. ලොව ශ්‍රේණිගත කිරීම් හි 8 වන තැන මෝල්ටා ගමන් බලපත්‍රයට හිමි අතර එමඟින් රටවල් 166 කට වීසා නොමැතිව ගමන් කළ හැකිවේ.
මෙවැනි බලසම්පන්න ගමන් බලපත්‍රයක හිමිකරුවෙකු වීමට ඔබත් කැමති නම් ඒ සඳහා වැය කළ යුතු වන්නේ ඩොලර් මිලියන 1.85 ක් පමණි. එම ගාස්තුව ගෙවා මෝල්ටාවේ පුරවැසිභාවය ලබා ගැනීමට ඔබට හැකිය.
4. සයිප්‍රස්
සයිප්‍රසය තුළ යූරෝ මිලියන 2.5 ක් ආයෝජනය කිරීම මගින් ඔබේ දෙවැනි පුරවැසිභාවය ලබා ගත හැකි අතර අනෙකුත් සයිප්‍රස් වැසියන් ලබන සියලූම වරප්‍රසාද සඳහා ඔබ එහිදී සුදුසුකම් ලබනු ඇත.
5. ඔස්ට්‍රියා
ඔබට මුදල් පිළිබඳ ගැටළුවක් නොමැති නම් ඔස්ට්‍රියා පුරවැසිභාවය ඔබට ස්වර්ණමය අවස්ථාවන් උදාකරලනු ඇත. ලොව සිව්වැනියට බලගතු ගමන් බලපත්‍රය ලෙසින් ඔස්ට්‍රියා ගමන් බලපත්‍රය පිළිගැනෙන අතර රටවල් 171 කට වීසා නොමැතිව ගමන් කිරීමට තරම් එය ප්‍රබලය. යූරෝ මිලියන 2 ත් 4 ත් අතර පරිත්‍යාගයක් කිරීමෙන් හෝ ඔස්ට්‍රියාවේ අනුමත ව්‍යාපාරයක යූරෝමිලියන 10 ක් ආයෝජනය කිරීම තුළින් ඔස්ට්‍රියා ගමන් බලපත්‍රයකට සුදුසුකම් ලබාගත හැකිය. මේ සඳහා ඩොලර් පන් ලක්ෂයක පමණ ගාස්තු ගෙවීමට ද ඔබට සිදුවනු ඇත.
6. රුසියාව
ඩොලර් 165,000 ක ආයෝජනයකින් පමණක් රුසියාවේ දෙවැනි පුරවැසිභාවය ලබා ගැනීමට සුදුසුකම් ලැබිය හැකිය. මෙහිදී ඔබ කළ යුතු වන්නේ රුසියාව තුළ ව්‍යාපාරයක් ආරම්භ කර එහි නම් කරන ලද අවම වැසියන් ප්‍රමාණයකට රැකියා අවස්ථා සම්පාදනය කර දීම හා රුසියානු රජයට බදු ආදායම් ජනනය කරදීමයි.
රුසියානු ගමන් බලපත්‍රය ලොව ශ්‍රේණිගත කිරීම් හි 38 වැනි ස්ථානයේ පසුවන අතර එමගින් රටවල් 100 කට වීසා නොමැතිය ගමන් කිරීමේ අවස්ථාව හිමිවනු ඇත.
7. ඩොමිනිකා
අඩුම මුදලකට දෙවන පුරවැසිභාවය ලැබිය හැකි රට ලෙසින් ඩොමිනිකා රාජ්‍යය හැඳින්විය හැකිය. ඩොලර් 350,000 කට අයදුම්කරු, ඔහුගේ බිරිඳ හා වයස අවුරුදු 18 ට අඩු දරුවන් දෙදෙනෙකුට පහසුවෙන් ඩොමිනිකා හි ආර්ථික පුරවැසිභාවය (Economic Citizenship) ලබා ගත හැකිය.
ලොව ශ්‍රේණිගත කිරීම් හි 41 වන තැන ඩොමිනිකා ගමන් බලපත්‍රයට හිමි අතර එමඟින් රටවල් 91 කට වීසා නොමැතිව ගමන් කිරීමේ වරප්‍රසාදය හිමිවනු ඇත.
8. ඇන්ටිගුවා සහ බාර්බඩෝස්
ඩොලර් 275,000 ක පරිත්‍යාගයක් හෝ එහි දේපළවල ඩොලර් 550,000 ක ආයෝජනයක් කිරීම ඇන්ටිගුවා හි පුරවැසිභාවය ලබා ගත හැකි පහසුම ක්‍රමයයි. මේ සඳහා තවත් ඩොලර් 60,000 ක ගාස්තුවක් ගෙවීමට ද ඔබට සිදුවනු ඇත.
ලොව ශ්‍රේණිගත කිරීම් හි 24 වැනි ස්ථානය ඇන්ටිගුවා ගමන් බලපත්‍රයට හිමි අතර රටවල් 132 කට වීසා නොමැතිව ගමන් කිරීමට ඉන් අවස්ථාව ලබා දෙනු ඇත. කැනඩාව වෙත ද වීසා නොමැතිව ගමන් කිරීමට තරම් ඇන්ටිගුවා ගමන් බලපත්‍රය ප්‍රබලය.
9. ශාන්ත කිට්ස් සහ නේවිස්
ශාන්ත කිට්ස් හි සීනි අරමුදලට (Sugar fund) ඩොලර් 295,000 ක් පරිත්‍යාග කිරීමෙන් හෝ එහි දේපළවල ඩොලර් 500,000 ක් ආයෝජනය කිරීම තුළින් වහාම එහි ගමන් බලපත්‍රහිමියෙකු වීමට ඔබට අවස්ථාව උදා වේ. එමඟින් රටවල් 132 කට වීසා නොමැතිව ගමන් කිරීමට ඔබට හැකිවනු ඇත.
10. ග්‍රෙනේඩා
2014 වසරේ දී ග්‍රෙනේඩා හි දේපළ ආයෝජනය තුළින් පුරවැසිභාවය ලබා ගත හැකි අවස්ථාව යළි හඳුන්වා දුන් අතර 2001-2013 කාලයේ දී එය අත්හිටුවනු ලැබීය. රට තුළ අනුමත දේපළ ව්‍යාපෘතීන් හි ඩොලර් 250,000 ක් පමණක් ආයෝජනය තුළින් ඔබට එහි පුරවැසිභාවය ලැබිය හැකිවනු ඇත.
එක්සත් රාජධානිය, හොංකොං, දකුණු කොරියාව, සිංගපූරුව, පැනමා හා පොදුරාජ්‍ය මණ්ඩලයීය රටවල් ඇතුළු රටවල් 110 කට ගමන් කිරීමට ග්‍රෙනේඩා ගමන් බලපත්‍රහිමියන්ට අවස්ථාව උදා වනු ලැබේ.

මෛත්‍රිපාලගෙයි- රනිල්ගෙයි ඔළු කුඩු කරලා මරා දමන බවට ෆේස් බුක් එකෙන් තර්ජනය කරපු කුමාර ලක්මන අධිකරණය අවවාද කර මුදා හරී

Add caption
ජනාධිපති මෛත්‍රිපාල සිරිසේන මහතා සහ අගමැති රනිල් වික්‍රමසිංහ මහතා ඝාතනය කරන බව 'ෆේස්බුක්' සමාජ ජාල වෙබ් අඩවිය ඔස්සේ තර්ජනය කරන ලදැයි රහස් පොලිසිය නඟා තිබූ චෝදනාවලට වරද පිළිගත් විත්තිකරුවකුට අවවාද කර මුදා හැරීමට කොළඹ ප්‍රධාන මහෙස්ත්‍රාත් ගිහාන් පිලපිටිය මහතා ඊයේ (23දා) නියෝග කෙළේය.
රහස් පොලිසිය විසින් සැකපිට අත්අඩංගුවට ගෙන රිමාන්ඩ් භාරයේ සිටි යක්කල, පහළ වීදියවත්ත, අංක 11ඒ පදිංචි ලක්මන ආරච්චිගේ කුමාර ලක්මන නමැති විත්තිකරුවකු එලෙස මුදා හරිනු ලැබිණි.
මේ විත්තිකරු මුහුණු පොත සමාජ ජාල වෙබ් අඩවියෙහි 'සුමාල් ලක්මන' නමින් ජීව දත්ත පිටුවක් භාවිත කරමින් ජනාධිපති මෛත්‍රිපාල සිරිසේන මහතා සහ අගමැති රනිල් වික්‍රමසිංහ මහතා ඝාතනය කිරීමට හා එම ප්‍රභූවරුන් නපුංසකයන් ලෙස හොවා දක්වමින් ඔවුන්ගේ ඔළු කටු කුඩුවන ලෙස වෙඩි තැබීමට ආරක්ෂක භටයන් පොලඹවමින් වීඩියෝ පටයක් 2016 පෙබරවාරි 05 වැනි දින හෝ ඊට ආසන්න දිනයකදී ඉහත සමාජ ජාල වෙබ් අඩවිය තුළ වූ ජීව දත්ත පිටුවෙහි ප්‍රචාරය කිරීමෙන් ඕනෑකමින්ම නින්දා කර ඉන් පුද්ගලයන් ප්‍රකෝප කරවීමෙන් මහජන සාමය කඩවීමේ හෝ වෙනත් වරදක් සිදුවන බව දනිමින්ම පුද්ගලයන් ප්‍රකෝප කරවීමෙන් ලංකා දණ්ඩ නීති සංග්‍රහයේ 484 වගන්තිය ප්‍රකාරව දඬුවම් ලැබිය හැකි වරදක් කරන ලදැයි රහස් පොලිසිය චෝදනා නඟා තිබිණි.

ඊට අමතරව විත්තිකරු විසින් අදාළ පුද්ගලයන්ට මරණය හෝ බරපතළ තුවාල සිදුවිය හැකි බවට බිය ගැන්වීමෙන් ලංකා දණ්ඩ නීති සංග්‍රහයේ 486 වගන්තිය යටතේ දඬුවම් ලැබිය හැකි වරදක් කරන ලදැයිද රහස් පොලිසිය චෝදනා නඟා තිබිණි.
විත්තිකරු එම චෝදනාවලට වරද පිළිගත්තේය. ඒ අනුව විත්තිකරුට අවවාද කර මුදා හැරීමට ප්‍රධාන මහෙස්ත්‍රාත්වරයා තීරණය කෙළේය.
විත්තිකරු භාරයේ තිබී සොයාගත් පරිගණක ඇතුළු විද්‍යුත් උපකරණ තොගය ඔහු වෙත මුදා හරින ලෙසද (ඒවායේ තිබෙන නඩුවට අදාළ තොරතුරු මකා දමා) ප්‍රධාන මහෙස්ත්‍රාත් ගිහාන් පිලපිටිය මහතා රහස් පොලිසියේ පරිගණක අපරාධ විමර්ශන අංශයට වැඩිදුරටත් නියෝග කෙළේය. 
 
Copyright © 2013 Sri Lanka Gossip |Gossip Lanka News | Hot Gossips | Sri Lankan Exclusive News | Gossip Lanka | Hiru
Shared by Themes24x7Powered byBlogger